Helsinki, Finland – [15.03.25] – Waxaa farxad noo ah inaan si rasmi ah ugu dhawaaqno bilowga howlaha Nordic Vision TV, oo ah xarun warbaahin madax-bannaan ah oo fadhigeedu yahay Helsinki, Finland. Tani waa tallaabo muhiim ah oo noo horseedaysa in aan noqono ilo warbaahineed oo la isku halleyn karo, oo diiradda saaraya xaaladda waddamada Nordic, bulshada Soomaalida, iyo arrimaha ka dhaca Yurub, Afrika iyo adduunka oo dhan.
Nordic Vision TV waxay u taagan tahay in ay bulshada siiso warar sugan, falanqeyn qoto dheer, iyo barnaamijyo xiiso leh oo ka tarjumaya aragtiyo kala duwan. Hadafkeennu waa in aan dhisno buundo isku xirta dhaqamada kala duwan, annaga oo iftiiminayna arrimaha muhiimka ah ee siyaasadda, dhaqaalaha, bulshooyinka, ganacsiga, iyo xiriirka caalamiga ah.
Waxaan xoogga saari doonnaa
Bulshada Nordic – Warar iyo falanqeyn la xiriira xaaladda siyaasadeed, dhaqaale, iyo arrimaha bulshada ee waddamada Nordic.
Bulshada Soomaalida – Barnaamijyo gaar ah oo diiradda saaraya nolosha Soomaalida ku dhaqan waddamada Nordic, guulahooda, caqabadaha ay la kulmaan, iyo wax-ka-qabashadooda.
Yurub & Afrika – Warbixino ku saabsan xiriirka u dhexeeya Yurub iyo Afrika, oo ay ka mid yihiin ganacsiga, socdaalka, dhaqanka, iyo diblomaasiyadda. Sidoo kale waxaan soo tebin doonnaa dhacooyinka joogtada ah ee caalamka oo dhan oo ay ku jiraan arrimaha isbaddelka cimilada.
Nordic Vision TV waxay qorsheyneysaa inay la shaqeyso dowladaha, hay’adaha caalamiga ah, iyo shirkadaha waaweyn si loo hubiyo in barnaamijyadeennu ay noqdaan kuwo wax ku ool ah, loona gaarsiiyo daawadayaal ballaaran. Waxaan si kal iyo laab ah u soo dhaweyneynaa cid kasta oo danaynaysa in ay nala shaqeyso, ha ahaadeen bahda warbaahinta, maal-gashadayaal, ama ururo doonaya in codkooda la maqlo.
Wixii faahfaahin dheeraad ah, nagala soo xiriir:
Email: [info@nordicvisiontv.com]
Phone: [+358 465805060]
Website: https://nordicvisiontv.com
